2 patay, 1 sugatan sa pamamaril ng riding-in-tandem
Pabs Hernandez III
Apr 13, 2019
1 min read
SULTAN KUDARAT—Dalawang lalaki ang namatay at sugatan naman ang isa pang biktima nang barilin sila ng riding-in-tandem, kamakalawa sa bayan ng Lambayong sa lalawigang ito.
Nakilala ang mga nasawi na sina Jamilton Ali at Gilbert Mateo, samantalang, ang sugatan ay si Mark Sia, pawang nakatira sa naturang bayan.
Ayon sa ulat, nakatayo ang mga biktima nang pagbabarilin sila ng dalawang hindi kilalang suspek na nakasakay sa motorsiklo.
Nagpalabas na ng manhunt operation ang mga awtoridad para madakip ang mga suspek.
Comments