Kung dati, solo niya ang trono… JOHN LLOYD, NATAUHAN NA SAPAW NA KAY COCO, BALIK-SHOWBIZ NA

Erlinda Rapadas / TEKA NGA

HINDI man lantaran ang diumano’y pagba­balik-showbiz ni John Lloyd Cruz at endorsement lang ng isang produkto kasama si Piolo Pascual ang kanyang gagawin, still, marami ang naniniwalang nagpaparamdam na si Lloydie sa kanyang intensiyon na magbalik-showbiz.

Matapos niyang magbakasyon at mag-leave nang mahigit isang taon sa showbiz, sapat na ‘yun upang siya ay makapag­pa­hinga, maka­pag-recharge at magawa ang mga bagay na gusto niyang gawin.

Napagod at na-drain nang husto si JLC sa kan­yang pag-aartista. Hinanap niya ang isang peaceful life, malaya at hindi inuusyoso ang pribadong buhay.

Nakuha naman ni Lloy­die ang gusto niyang bu­hay. Pero, marami ang nag­papayo na balikan niya ang showbiz. Maraming opor­tunidad ang kanyang pina­lampas. Ang mga dating malalaking product endorsements niya, ngayon ay kay Coco Martin na ibinibigay.

Dahil sa sobrang pagsi­kat ng seryeng Ang Pro­bin­syano, naging idolo ng lahat si Cardo Dalisay (Coco). Kaya, dapat nang bumalik sa showbiz si John Lloyd bago pa siya tuluyang makali­mutan ng publiko.