Simbahan nilooban | DONATION BOX, TABERNAKULO TINANGAY

NILOOBAN ang isang simbahan at tinangay ang ilang mahahalagang kagamitan kabilang ang balot sa ginto na tabernakulo na nagkakahalagang P300,000 sa Roxas City, Capiz.

Ito ang ipinabatid sa pulisya ni Monsignor Butch Abalajon ng San Pedro Calungsod Mission Station.

Sa inisyal na imbestigasyon, nakitang bukas ang pintuan ng simbahan alas-6:00 ng umaga ng Martes kung saan natangay ng hindi pa matukoy na suspek ang ilang mahalagang gamit tulad ng tabernakulo na pinag-iingatan ng banal na tinapay o “ostiya” at donation box na naglalaman ng pera, gayundin ang mga speaker ng simbahan.

Gamit umano ng mga magnanakaw ang metal cutter kaya nadistrungka ang kandado nito.