Fetus, itinapon sa basurahan

ITINURING na may sakit sa pag-iisip ang babaeng nagtapon ng fetus na isinilid sa plastic bag bago itinapon sa basurahan, kahapon ng umaga sa panulukan ng Tomas Mapua St., Binondo, Manila.

Batay sa imbestigasyon ni PSSgt. Joseph Kabigting ng Manila Police District -Homicide Section, ayon kay Ariel Galura, 30, security ng Bulane Hotel, nakita niya ang babae na nagtapon ng plastic bag

Nabatid na fetus ang laman ng naturang plastic bag kung saan nasa apat hanggang limang buwan ang edad nito dahilan para i-report sa MPD-PS 11.

Unang nakita ni Grace Magbalane, 23, front desk ng Bulane Hotel, ng Bgy. 303, Sta. Cruz, Manila at agad na sinabi kay Galuro na siyang tumawag sa pulisya.

Sariwa pa ang fetus at hinihinalang katatanggal lamang sa sinapunan ng ina nito nang itapon ng babae sa naturang lugar.