Caretaker kinatay ng katrabaho

BRUTAL na kamatayan ang sinapit ng caretaker sa kamay ng kanyang katrabaho sa Bgy. Poblacion 1, San Jose, Batangas.

Batay sa ulat, alas-10:20 ng umaga, nakita ng testigo ang pagtatalo ng biktimang si Reynaldo Jodilla, 57, at suspek na si Lito Carambacan, 38, kapwa tubong Bacolod.

Sa kalagitnaan ng kanilang usapan, agad umanong bumunot ng patalim ang suspek at ilang ulit na pinagsasaksak ang biktima sa iba’t ibang parte ng kanyang katawan bago tumakas.

Duguang bumagsak ang biktima saka binawian ng buhay sa lugar habang agad nasakote ang suspek sa follow-up operation ang papatakas na suspek.