WARRIORS TOP SEED NA SA WEST HARDEN AT WESTBROOK, LODI

IPINAGDIWANG ng Golden State Warriors ang kanilang final regular-season game sa Oracle Arena nang magpasabog ng magandang laro sa third-quarter at ta­pusin sa 131-104 win ang laban sa Los Angeles Clip­pers sa Oakland, Calif., para malagay sa top seeding sa Western Conference play­offs ng NBA game kahapon.

Hindi pa alam ang first-round opponent ng Warriors na siyang 8th seed sa West, ang playoffs ay magsisimula sa susunod na Linggo. Ang pagkatalo ang nagpatarak sa Clippers (47-34) na kaunti lang sa likod ng first-round matchup sa Warriors. Ma­ka­sasagupa nila ang Okla­homa City (47-33) o ang San Antonio (47-34), na pare­hong nagwagi kahapon para sa sixth, seventh at eighth playoff spots sa West.

Sa iba pang laban, naka­gawa si James Harden ng triple-double, habang pu­mos­te si Clint Capela ng double-double at tuluyang isinara ng Houston Rockets ang home schedule sa 149-113 nang idiskaril ang Phoe­nix Suns.

Sumampa ang Rockets sa ikalawang sunod na pa­nalo sa homecourt upang maging third seed sa Western Conference. Ang Houston, na nakalamang ng halos 42 points sa 120-96 win kontra New York Knicks noong Bi­yernes ay nanguna sa 117-77 score pagpasok sa fourth quarter laban sa kinakapos na Suns. Isasara ng Rockets ang regular season sa Okla­homa City.

Samantala, umiskor ng tig-27 puntos sina Paul George at Russell Westbrook upang pamunuan ang Okla­homa City Thunder sa 132-126 road win kontra Min­nesota Timberwolves sa Min­neapolis. Nagawa pang humabol ng Thunder sa pag-iskor ng 37 sa fourth-quarter upang pagwagian ang ikat­long sunod na laro. Ang unang three-game winning streak na ito ng Oklahoma City mula Peb. 11-22 ang nagpanatili sa Thunder sa kontensiyon para sa 6th spot sa Western Conference. (ATD/MC)