Mister tumanggi sa tagay, ginulpi ng 2

SA ospital ang bagsak ng isang lalaki matapos pagtulungang bugbugin ng dalawang lasing matapos tumanggi sa alok na tagay ng mga suspek sa Malabon City, kamakalawa ng hapon.

Isinugod sa Tondo Medical Center upang magamot ang tinamong mga pinsala sa mukha at katawan ni Nelson Adrino, 30, mechanical maintenance, binata, ng Bgy. Tonsuya.

Nadakip at nahaha­rap sa kaukulang kaso ang mga suspek na sina Mitechell Parcel III, 44, widower at Ronie Mark Ortiz, 24, kapwa ng Bgy. Tonsuya.

Sa imbestigasyon nina PSSgt. Julius Ma­basa at PSSgt. Philip Cesar Apostol, alas-5:30 ng hapon, nagla­lakad ang biktima sa kahabaan ng C. Perez St. pauwi nang harangin ng mga suspek at inimbita­han sa kanilang inuman.

Tumanggi ang bikti­ma na ikinagalit ng mga suspek at pinagtulu­ngang bugbugin si Adrino.

Natigil lamang ang mga ito nang dumating ang rumespondeng mga barangay tanod na nag­resulta sa pagkakaares­to sa mga ito.