15-Yrs. old ni-rape ng 17-anyos sa resort

SA kulungan ang bagsak ng 17-anyos na lalaki matapos umanong halayin ang 15-anyos na dalagita sa isang resort sa Bgy. Matandang Sabang, Silangan, Catanauan, Quezon.

Sa panayam sa biktimang si alyas Shane, kasama ang kanyang magulang, pasado alas-12:00 ng hatinggabi, habang nag-uusap siya kasama ang suspek na si alyas Roldan sa nirentahan nitong cottage, agad umano siyang hinalikan nito.

Nagpumiglas pa ito ngunit, sa lakas ng suspek ay nagawa pa rin siyang mapagsamantalahan bago tumakas.

Ipinagbigay-alam agad nito sa kanyang magulang ang sinapit hanggang sa makahingi ng tulong sa pulisya.

Mabilis namang naaresto ang suspek at inihahanda ang kasong isasampa laban dito.