TUTUKLAS PA NG MAHUHUSAY NA ATLETA SA PENCAK SILAT

PALALAKASIN ang grassroots pro­gram at tutuklas ng mga magagaling na man­lalaro ng pencak silat upang kumatawan sa ‘Pinas sa mga dara­ting na international sports competitions.

“My administration anchored on this di­rection designed to tap young potential athle­tes in the countryside through viable, effec­tive, comprehensive and long sustainable grassroots program,” sabi ni unang Muslim Commissioner ng Phi­lippine Sports Com­mis­sion ni Chairman William Ramirez, Jacel Kiram nang makapa­nayam.

Ang pencak silat ay kasama sa mahigit 10 combat sports at sa may 56 sports na la­laruin sa 30th edition ng SEA Games simula sa Nob. 30, Bonifacio Day sa modernong New Clark City Sports Complex sa Pam­panga.

Ang pencak silat ay laging nag-uuwi ng karangalan sa SEAG at sa ibang malaking over­seas competitions.

Sasabak sina Jua­nella Ballesta, Ric Rod Ortega, Dennis Du­man­dan, Clyde Joy Baria, Princess Lyn Enopia, Jocerin Abad, at Jefferson Lhey Loon.

Kamakailan, nag-uwi nang karangalan ang mga Pinoy sa tor­neo ng 17th World Pen­cak Silat na ginawa sa Island Resort Bali, In­donesia at 5th Asian Beach Games sa Da Nang, Vietnam kung saan tumapos ang mga Pinoy na 5th overall ng tatlong pilak at tat­long tanso.

Kinuha ng host Viet­nam ang overall 9 gold, Thailand 3 at tig-2 ang Malaysia at Sin­gapore.

Nakapilak sina Eno­pia sa 45-50kg, Abad 50-55kg, at Loon 60-65kg. habang bronze sina Dumandan 45-50kg. Ortega 55-60kg, at Baria 55-60 kg.

Nanalo rin si Enopia ng ginto sa women Class A (40-45 kg) at si Ballesta, tubong ilo­ilo, pilak sa 17th World Pencak Silat.