IM DIMAKILING, MATIKAS SA DUBAI BLITZ CHESS

Photo: runrio

NAGSOSOLONG International Master si Oli­ver Dimakiling ng Pili­pinas sa grupo ng mga grand­masters ng paspasang ahe­dres na namamayagpag sa pagpasok sa homestretch ng Dubai Blitz Chess Tourna­ment 2019 sa Al Mamzar Area ng Dubai Chess & Cul­ture Club sa United Arab Emirates.

Taglay ni Dimakiling ang lima at kalahating pun­tos na produksiyon at kasa­lukuyan siyang nakaupo sa pang-anim na puwesto, may dalawang rounds na lang ang natitira sa kompetisyon. Limang malulupit na wood­pushers ang nasa harap niya: GM Mikheil Mched­lish­vili (6.5 puntos, Geor­gia), GM Ehsan Ghaem-Maghami (6.0 puntos, Iran), GM Le Quang Liem (6.0 puntos, Vietnam), GM Yuriy Kuzu­bov (6.0 puntos, Uk­raine) at GM Alan Pichot (5.5 puntos, Argentina).

Siyam na grandmasters din ang nasa likuran ni Di­makiling (rating: 2396) at lahat sila ay nalalamangan ng Pinoy chesser ng kalaha­ting puntos sa torneong nila­lahukan ng 91 manlalaro mula sa iba’t-ibang bansa katulad ng Venezuela, Ser­bia, Turkey, Algeria, Cuba, Khazakstan, Venezuela, Aus­tralia, Egypt at Turkme­nistan.

Kasama sa mga nahu­gutan ng buong puntos ni Dimakiling, may malinaw pang tsansa para makahab­lot ng upuan sa podium, sina Indian GM S.P. Sethuraman (round 6), Uzbek Interna­tional Master Vokhidov Shamsiddin (round 7), FM Ahmed Abbas Khouri ng UAE (round 5), local bet Aishah Sarhan Almaini (round 1), at Indian hopeful M. Thaivalappil Mridul (round 2). Sa hatian ng pun­tos nauwi ang pakikipagsa­gupa niya laban kay South African FM Naseem Ahmed Essa (round 4).

Samantala, nakiki­pag­hatawan din si Dimakiling sa 21st Dubai Open 2019 at kasalukuyang wala pang talo pagkatapos ng apat na rounds. Nangolekta siya ng isang panalo at tatlong draws. Isa sa mga tabla ay nairehistro niya laban kay Iranian GM Mohammad Amin Tabatabaei.