Habang natutulog sa covered court | LALAKI AT 8-ANYOS PINAGBABARIL, PATAY

DEDO ang 23-anyos na construction worker at 8-anyos na lalaki matapos pag­babarilin ng hindi kila­lang sus­pek habang natutulog ang mga biktima sa covered court sa Caloocan City, Sa­bado ng madaling-araw.

Kinilala ni Caloocan Po­lice Chief P/Col. Restituto Arcangel ang mga biktima na sina Jaylord Cajuban ng Phase 8A na nagtamo ng tama ng bala sa ulo at Jeffer­son Dimarillas, na nagtamo naman ng tama ng bala sa ti­yan, kapwa ng Bgy. 176, Ba­gong Silang.

Ayon kay Caloocan Po­lice Community Precinct (PCP) 3 Commander P/Maj. Raymond Nicolas, alas-3:30 ng madaling-araw, natutulog ang mga biktima sa covered court sa Phase 8, Bagong Silang nang pagbabarilin ang mga ito ng hindi pa kilalang gunman na nagresulta sa kanilang kamatayan.

Matapos ang insidente, tumakas ang suspek sa hindi matukoy na direksiyon ha­bang ayon sa pulisya, nakai­nom si Cajuban bago ito na­tulog sa covered court nang maganap ang insidente.

Patuloy na ang fol­low-up investigation sa po­sibleng pagkakakilanlan at pag­ka­ka­aresto sa suspek habang ina­alam pa ang tunay na mo­tibo sa insidente at kung bakit nadamay ang bata.