GOLFER MONDILLA, CHAMP SA SOLAIRE PHL OPEN

MATAPOS mabigo ng dalawang beses, sa wakas napasakamay ni Clyde Mondilla ang pinaka-prestihiyosong Solaire Philippine Open at naihanay ang kan­yang pangalan sa ma­habang listahan ng mga naging champions ka­sama sina Larry Mon­tes, Celestino Tugot at Ben Arda na hinangaan ng mga Amerikano at mga banyagang manla­laro.

Lamang ng apat na shots papasok sa final round, nilapatan ni Mondilla ang pormal niyang pag-angkin sa titulo na binakante ni Brazil Olympian Mi­guel Tabuena na pu­malo ng final round 75 at lumikom ng 290 at ibinulsa ang tuma­ta­ginting na $90,000 sa kabuuang $500,000 at naging pangatlong gol­fer na nanalo sa pres­tihiyosong event mata­pos magwagi si Ce­lestino Tugot at Fran­kie Miñoza.

“Sa wakas nanalo rin ako sa prestihiyo­song tournament na ito.

Masaya ako dahil lahat ng paghahanda ko ay hindi nasayang.

Wala na akong ma­hi­hingi pa at napasa­kamay ko na ang titulo sa torneo,” masayang sinabi ni Mondilla ma­tapos tanggapin ang kanyang premyo.

Matapos agawin ang pamumuno kay Tawit Polthai ng Thai­land na humataw ng 69 sa third round, dino­mina ni Mondilla, anak ng caddy master sa Bu­kidnon at dating na­tional player, ang laro at hindi pinaporma ang kanyang mga kalaban sa last round at kal­manteng umakyat sa stage para tanggapin ang kanyang premyo.

Ang premyo ay pinakamalaki sa kan­yang pro career mula nang maglaro sa pro­fessional sa edad 18 matapos sumabak sa national team.

Pumangalawa si American-Venezuelan Nicolas Paez ng Ari­zona at asawa ng US born sa Los Angeles na Pinay na humataw ng final round 70 at lu­mikom ng 292 na nag­kakahalaga ng $55,000.