ELITE SA UNANG LEG NG RUNRIO TRILOGY HAHATAW NA SA MOA
Photo: runrio
ISANG tulog na lang at karera na ng elites, ang RUNRIO Trilogy 2019 sa Abril 7 para sa unang leg na idaraos sa Mall of Asia Grounds, Pasay City, at inaasahan na ang pilot race ay lalahukan ng may 6,000 runners.
Hatid ng RUNRIO Trilogy ang isang kakaibang running experience na itatampok ang “progression running” kung saan aabanse ang runners sa mas mahahabang distansiya na kategorya sa mas mataas na antas ng karera- ang full marathon.
Ang race series ay ikakalat sa tatlong iba’t ibang legs sa loob ng anim na buwan mula Abril hanggang Setyembre, upang bigyan ang runners ng sapat na panahon na makapagpahinga at makapag-training.
Sa unang leg ng three-part series, ang half marathon ay itatampok ang 21k race bilang main event kasama na ang 5k at 10K distance categories.
“The RUNRIO Trilogy is for avid runners who want to push their limits and be the best that they can be,” ayon kay Coach Rio dela Cruz, nagtatag ng RUNRIO Trilogy Race Series.
“As we embark on our 9th year of the RUNRIO Trilogy, we hope to inspire more runners and countless others to discover their strengths and drive their passion for running,” aniya.
Kasunod ng unang leg ng Abril 7 ay ang Afroman Distance (second Leg, Hunyo 16) na tampok ang 32K distance, may dagdag na 5K, 10K, at 21K categories.
Makaraan nito, ang kompetisyon ay tatapusin sa huling leg (Set. 22) ang Philippine Marathon na tampok ang 42K race category bilang centerpiece event dagdag sa 5K, 10K at 21K races.
Ang serye ay kapapalooban ng awarding ceremony sa mga prominenteng runners na kumumpleto ng karera.
Comments