MAY MASASAGASAAN O MAPAPANIS PARA SA LAST Q’FINAL SEAT NG PHL CUP?

SINO sa Alaska at NLEX ang kukuha ng eight at last quarterfinal seat sa PBA Philippine Cup? Malalaman ang tamang kasagutan ngayong Biyernes sa “do or die” engkuwentro ng Road Warriors at Aces ng 7p.m. sa labanang parehong determinado ang magkatunggaling manalo at makapasok sa next round.

Nabuhay ang quarterfinal campaign ng Alaska matapos matalo ang NLEX sa Magnolia Hotshots, 74-102, at harapin ng Aces ang Road Warriors sa “you or me” sagupaan para sa eight and last quarterfinal slot.

Sa panalo nasungkit ng Magnolia ang sixth quarterfinal seat sa kartada 6-5 at umabante ang NorthPort sa next round matapos talunin ang early qualifier Barangay Ginebra sa kartadang 5-6. Ang early qualifiers ay ang Phoenix, Rain or Shine, Barangay Ginebra, Talk ‘N Text, defending champion San Miguel at NorthPort.

Dahil nakuha ang top two spots, ang Phoenix at RoS ay may twice-to-beat advantage at kailangang manalo ng isa sa kanilang magkahiwalay na kalaban para pumasok sa semis. Tabla ang NLEX, Alaska at Columbian Dyip sa kartadang 4-7. Subalit nalaglag ang Car Makers dahil sa inferior quotient at naiwan ang Aces at Road Warriors.

Parehas ang lakas ng Alaska at NLEX at ang panalo ay depende sa laro ng players. Ang lamang ng Aces sa Road Warriors ay championship experience at tiyak gagamitin ni coach Alex Compton ito para manalo at biguin si coach Yeng Guiao.

Tatlong koponan ni Ramon S. Ang, ang San Miguel, Barangay Ginebra at Magnolia Hotshots ang pumasok sa quarterfinals at isang lang kay corporate rival Manuel V. Pangilinan ang nakapasok, ang TNT.

Magiging dalawa kung tatalunin ng NLEX ang Alaska sa ‘do or die” game. Unang na-eliminate ang Meralco. Muling sasandal si Compton sa kanyang top gunners na sina Chris Banchero, Simon Enciso, Jeron Teng, Chris Exciminiano, Kevin Racal, Davon Potts, Jesper Ayaay, Carl Bryan Cruz at babantayan nina Sonny Thoss, Nonoy Baclao at Jake Pascual.

Ang mga frontliners ni coach Guiao ay sina Kevin Alas, Larry Fonacier, Philip Paniamogan, Kenneth Ighalo, Abu Tratter, JR Quiñahan at Mark Tallo ang gaganap bilang first line of offense at sina big men Raul Soyud, dating Blackwater John Paul Erram, Asi Taulava ang haharap kina Thoss, Baclao at Pascual.