Kaukulang parusa sa Landscape Architect na gumagamit ng expired na lisensiya

DR. PERSIDA V. RUEDA-ACOSTA / MAGTANONG KAY ATTORNEY

Dear Chief Acosta,

Magandang araw! Matagal nang nagpa­planong magpagawa ng dream house ang kaibigan ko kaya na­man talagang gusto niyang maging maayos at maganda ito. Ang problema, mayroon siyang nakatransaksi­yon na Landscape Architect at napag-alaman namin na paso na pala ang gamit nitong lisen­siya. Gusto naming malaman kung ano ang kaparusahan ng Landscape Architect na o nagtangkang gumamit ng expired na lisensiya? — Amarah

Dear Amarah,

Para sa inyong kaala­man, ang inyong katanu­ngan ay tinatalakay sa Section 33 ng Republic Act No. 9053 o mas kilala sa tawag na “Philippine Landscape Architecture Act of 2000” kung saan nakasaad na;

“Section 33. Illegal Practice of Landscape Architecture and Penalties. –

x x x

x x x

Any person who shall attempt to use a revoked, suspended or invalid certificate of registration/professional license x x x shall upon conviction by the court suffer penalties.

The penalties for the mentioned illegal practices shall be a fine of not less than Fifty thousand pesos (P50,000), no more than Two hundred thousand pesos (P200,000) or imprisonment of not less than six (6) months nor more than three (3) years, or both fine and imprisonment at the discretion of the court: Provided, That if the violation is committed by an alien, he/she shall be immediately deported after payment of fine or service of sentence without any further proceedings.” [Binigyang-diin.]

Sang-ayon sa nabang­git na probisyon ng batas, pinapatawan ng kaukulang multa mula limampung libong piso (P50,000) hanggang dalawandaang libong piso (P200,000) at pagkakakulong mula anim (6) na buwan hang­gang tat­long (3) taon ang sinu­mang gagamit o gumamit ng nareboka nang lisen­siya ng Landscape Architect.

Nawa ay nasagot na­min ang inyong katanu­ngan. Nais naming ipaala­la sa inyo na ang opin­yong ito ay nakabase sa inyong mga naisalaysay sa inyong liham at sa pagkakaintindi namin dito. Maaaring maiba ang opinyon kung mayroong karagdagang impormas­yong ibibigay. Mas ma­inam kung personal kayong sasangguni sa abogado.

Maraming salamat sa patuloy ninyong pagtiti­wala.