Habang natutulog KELOT PINAGBABARIL, UTAS

PINAGBABARIL hanggang sa mapatay ng hindi pa nakikilalang suspek ang 19-anyos na binata sa Bgy. Malinao Ilaya, Atimonan, Quezon.

Base sa ulat, pasado alas-7:00 ng umaga nang nakarinig umano ng ilang putok ng baril ang ina ng biktimang si alyas Jerome.

Agad nitong pinuntahan ang silid ng kanyang anak kung saan bumulaga sa kanyang harapan ang duguan at wala nang buhay na biktima.

Mga tama ng bala sa ulo at katawan ang sanhi ng agaran nitong pagkamatay.

Blangko pa ang pulisya sa motibo maging ang responsable sa naturang krimen.

Narekober sa silid ang 4 basyo ng bala mula sa cal .45.