Bebot nakipag-break, FB hinack ng ex-BF SEX PALIT NUDE PHOTOS

KULONG ang isang me­chanical en­gineer mata­pos ireklamo ng dating ka­re­las­yon na tinakot umano ni­yang ipa­kakalat sa social me­dia ang mga hubad na larawan kapag hindi puma­yag na ma­kipagtalik sa kanya.

Batay sa ulat, naaresto ang suspek sa kanto ng Que­zon Boulevard at Recto Ave­­nue sa Maynila nang mag­kunwaring pumayag ang biktima sa kagustuhan ng lalaki.

Gayunman, nakapag­sumbong na sa mga pulis ang biktima kaya ikinasa ang en­trapment operation.

Napag-alaman na pinaki­alaman ng suspek ang Face­book account ng biktima at nag-post ng mga ikasisira ng babae.

Ayon sa biktima, nitong Marso nang makipaghi­walay siya sa suspek matapos ang tatlong taon nilang ‘on-and-off’ relationship dahil hindi na niya matiis ang pananakit, pagmumura at mga masasa­kit na salita ng suspek.

Sa mga text message, mababasa ang umano’y pag­babanta ng lalaki na gugulu­hin ang biktima at ipakakalat ang mga hubad nilang lara­wan kapag hindi pumayag na makipagtalik sa kanya.

Tumanggi namang mag­bigay ng pahayag ang sus­pek na mahaharap sa kaukulang kaso. (BRT)