Bebot na kahit niloloko na ay hindi maiwan ang dyowa dahil sa pagmamahal

Dear Roma,

Ako si Mina, 18 years old. May boyfriend ako na ilang ulit ko nang na­huling may kalaguyong iba. Palagi ko siyang na­ki­­kitang may ka-chat, minsan ay nakiki­pag­kita pa siya. Gusto ko na si­yang sukuan, pero hindi ko magawa dahil mahal ko siya at sa panunuyo niya ay na­wawala na la­hat ng galit ko, nakalili­mutan ko na ang lahat ng inis ko. Si­nusuyo lang niya ako sa tuwing da­rating ang pun­tong hi­walayan, pero sa tuwing normal na araw, palagi siyang wa­lang panahon sa akin. Tama bang itinutu­loy ko pa rin ang pakiki­pagre­lasyon sa kanya? — Mina

Mina,

Alam mo, iha, bata ka pa, marami ka pang ma­kikilala na magmamahal sa iyo ng totoo. Sa paki­kipagrelasyon, kailangan tapat kayo sa isa’t isa. Kung sinubukan mo na siyang kausapin at sinabi mo na ang dahilan kung bakit gusto mo nang ma­kipaghiwalay sa kanya, pero hindi pa rin siya nag­babago, nangangahu­lu­gan lang ‘yun na hindi ka talaga niya mahal. Tan­daan mong sa relasyon, hindi mo kinakailangang manghingi o manlimos ng kahit kaunting oras, lalo na kung siya naman ang nagbigay ng motibo sa iyo para ma­ha­lin mo siya. Hiwalayan mo na siya at ha­yaan mo na siya sa ibang kalaguyo niya. Sa susunod, huwag kang mag­palinlang sa mga pogi at guwapong la­laki, ga­yundin, huwag kang mag­padaan sa ma­tatamis ni­lang salita. God bless!