AGAWAN SA SOLONG 2ND PLACE ANG ATENEO AT LETRAN SA ASPIRANTS CUP

MAG-AAGAWAN sa solong ikalawang puwesto ng Aspirants Group ang Cignal-Ateneo at Petron-Letran sa pagtutuos nila ngayong hapon sa pagba­balik ng aksiyon sa 2019 PBA D-League sa Ynares Sports Arena sa Pasig.

Kasama ngayon sa 3-way tie sa ikalawang posis­yon ng Che’lu Bar and Grill ang Blue Eagles at ang Knights hawak ang markang 3-1, panalo-talo kasunod ng mga nangungunang University of Santo Tomas at St. Clare College-Virtual Reality (4-0).

Ganap na 2 p.m. ang sagupaan ng Cignal-Ateneo at ng Petron-Letran kasunod ng unang salpukan sa pagitan ng Batangas-Emilio Aguinal­do College at ng Go-for-Gold-College of St. Benilde ganap na ika-12:00 ng tang­hali. Magtutuos sa ikatlong laro ng nakatakdang triple bill ang SMDC-National University at Metropac-San Beda College ganap na alas-4:00 ng hapon.

Unahang makapagposte ng ikalawang panalo ang Generals at ang Scratchers na kasalukuyang nasa 3-way tie sa ikatlong posisyon ng Aspirants Group kasalo ng AMA Online Education hawak ang barahang 1-3. Magtatangka namang makapagsolo ng Movers mula sa pagkakatabla nila sa ikalawang puwesto ng Foundation Group kasama ng Valencia City-San Sebastian College at Wang’s Basketball taglay ang barahang 3-1 para makadikit sa solong lider na Centro Escolar University (4-0). (VA)