Solusyon sa krisis sa tubig | DEPT. OF WATER, OKS — PALASYO

PABOR ang adminis­trasyong Duterte kaugnay sa panukalang paglikha ng De­partment of Water upang matugunan ang kakapusan ng suplay ng tubig at epekto ng El Niño.

Sa isinagawang 36th cabinet meeting sa Palasyo, kamakalawa, sinabi ni Pre­sidential Spokesman Salva­dor Panelo na kailangan ang lehislatura para sa pagbuo ng bagong ahensiya at tinala­kay din ang pagtatag ng De­partment of Disaster Resi­lience.

Bukod dito, tinalakay din ang dredging ng mga daanan ng tubig, pagpapalit ng mga tunnel at aqueduct, pagla­lagay ng mga water tank sys­tem sa mga ospital at pagla­laan ng pondo para sa pag­papatayo ng water treatment plants. Una nang ipinanu­kala ni Socioeconomic Plan­ning Secretary Ernesto Per­nia ang pagbuo ng water depart­ment.

Ipinrisinta naman ni National Economic and De­velopment Authority (NE­DA) Undersecretary Adora­cion Navarro ang panuka­lang Executive Order na mag­papaigting sa Natio­nal Water Resources Board (NWRB).

Sa ilalim ng panukalang EO, pag-iisahin na ang NWRB at River Basin Con­trol Office bilang National Water Management Council (NWMC).

Kaugnay nito, magkaka­roon na ng streamlining at mapag-iisa ang planning at regulation sa lahat ng water at river basins sa buong ban­sa at kalaunan ibabalangkas ang National Water Manage­ment Framework Plan.