Napadaan sa ginagawang court | LALAKI, NABAGSAKAN NG MGA BAKAL SA ULO, DEDO

TODAS ang hindi pa nakikilalang lalaki matapos mabagsakan sa ulo ng bung­kos ng bakal na nalaglag sa bubong ng ginagawang co­vered court, kahapon ng umaga sa Tondo, Manila.

Inilarawan ang biktima na nasa edad 40-45, naka-puting t-shirt, asul na panta­lon at may katabaan.

Batay sa ulat ni PSgt. Roderick Magpale, alas-10:45 ng umaga nang mang­yari ang insidente sa gina­gawang covered court sa Fe­lipe Calderon High School sa Hermosa St., Tondo.

Inilalagay umano ang mga bakal sa bubungan ng covered court nang bumigay ito at tamaan sa ulo ang nag­lalakad na biktima.

Nagtulung-tulong na­man ang ilang construction workers na dalhin ang bik­tima sa ospital ng Tondo, pero hindi na ito umabot ng buhay. Dinala sa Archangel Fu­neral Home ang biktima para sa awtopsiya at safekee­ping.