Mister, huli sa shabu | “PAMPAPOGI KO ‘YAN”

KALABOSO ang isang dating tindero ng isda sa Lungsod ng Quezon na uma­no’y tulak at gumagamit ng iligal na droga na naka­pag­papapogi at nakapagpa­pasigla umano sa kanya.

Inaresto sa buy-bust ope­ration sa Bgy. Pasong Tamo si Renato Mendoza makaraang mahuli sa aktong nagbebenta ng pinaniniwa­laang shabu na nagkakahala­gang P200 sa mga operatiba.

Nasamsam mula kay Mendoza ang apat na sachets ng hinihinalang shabu.

Sinasabing mga tindero ng isda at tricycle driver ang mga parukyano ni Men­doza.

Inamin umano ni Men­doza na gumagamit siya ng shabu para lumakas ang ka­tawan.

Kagagamit lamang din umano niya bago nahuli ng mga awtoridad.

“Ginagamit ko po ‘yan pampasipag ho, pampapogi. Ginagamit ko ho talaga ‘yan para pagkana-lowbatt ho ako, medyo lumakas po ulit ‘yung katawan ko,” ani Mendoza. Inamin din ng suspek na nagbebenta siya ng droga para may maipakain sa kan­yang pamilya.

Una na ring nakulong si Mendoza noong 2016 dahil din sa droga at napalaya la­mang ito noong Setyembre ng nakaraang taon.