Mga paraan para malunasan ang mga sintomas ng alipunga

SHANE M. LUDOVICE, M.D / SABI NI DOC

Dear Doc. Shane,

Mahilig akong mag­­laro ng basketball, ang problema, madalas mangati ang mga daliri ko sa mga paa. Ang sabi ng nanay ko ay baka raw may alipunga ako. Ano ang sanhi at mga sintomas nito bukod sa pangangati ng apek­tadong daliri? Mali­nis naman ang aking mga medyas at sapa­tos. Mayroon ba akong maaaring ipa­hid dito? — Kit

Sagot

Ang alipunga o ath­lete’s foot ay uri ng impeksiyon sa balat na nakaaapekto sa mga paa. Ito ay maaari ring dumapo sa mga kamay at kuko. Ang alipunga ay hindi kasing seryoso tulad ng ibang sakit subalit, ito ay napaka­hirap gamutin. Isa pa, ang alipunga ay lubhang nakahahawa.

Ang alipunga ay tumutubo kapag ang fungus na tinea ay namahay sa mga paa. Maaaring mahawa ng fungus na ito sa pamamagitan ng pakikihalubilo sa mga taong may alipunga o paghipo sa mga bagay na kontaminado ng fungus. Nabubuhay ang tinea sa lugar o bagay na mainit at mamasa-masa. Ito ay kadalasang matatagpuan sa banyo o swimming pool.

Lahat ng tao ay maaaring magkaroon ng alipunga ngunit, may kinaugalian ang tao na maaaring magpataas ng posibilidad na makakuha ng alipunga.

Narito ang iba’t ibang sintomas ng alipunga.

• Pangangati at pag­hapdi sa pagitan ng mga daliri.

• Pangangati at pag­hapdi sa sakong ng mga paa.

• Pagkakaroon ng makating paltos sa mga paa.

• Pagbibitak-bitak at pangangaliskis ng mga paa, lalo na sa sakong at mga daliri.

• Pagkatuyo ng balat sa may sakong at sa gilid ng mga paa.

• Pagkapal at pag­pangit ng kulay ng mga kuko.

• Kusang paghiwalay ng mga kuko sa mga daliri.

Ang doktor ay maa­aring makatiyak na may alipunga ang tao sa pamamagitan ng pag­tingin sa mga sintomas na tumama rito. Kung ang mga sintomas ay hindi gaanong malinaw, maaaring sumailalim sa partikular na skin test na kukumpirma kung anong uri ng fungus ang dumapo sa mga paa.

Ang alipunga ay kadalasang nagagamot ng mga over-the-coun­ter na gamot laban sa fungus. Kung ang mga gamot na nabibili sa botika nang walang reseta ay walang epekto sa alipunga, maaaring magreseta ang dokor ng gamot na iniinom para sa alipunga. Ang gani­tong mga gamot ay sadyang malakas na pamatay ng mikrobyo at nanganga­ilangan ng reseta para makabili nito.

Narito ang ilang mga paraan ng panlu­nas sa mga sintomas ng alipunga:

• Nakatutulong ang pagbabad ng mga paa sa tubig na may asin at suka upang matuyo ang apektadong bahagi ng mga paa.

• Maglagay ng ilang hiwa ng bawang sa pagi­tan ng mga apektadong daliri sa loob ng isang araw.

• Maaari ring kumain ng mga pagkaing mayaman sa bawang.

• Budburan ng baking soda ang mga paa bago magsuot ng medyas sa umaga.

• Maglaga ng apat na onsa ng dahon ng ore­gano sa tubig na tama lamang para maibabad ang mga paa. Ibabad dito ang mga paa nang dalawa hanggang apat na beses bawat araw.

• Ang paggamit ng virgin coconut oil ay napatunayang mabisang gamot sa alipunga sa­pag­kat ito ay nagtataglay ng antimicrobial properties. Ito ay puwedeng direktang ipahid sa mga paa nang dalawang beses bawat araw, maaari ring gumamit ng luya.