Mga adik na celebs, pinag-iinitan… RESBAK KAY TITO SEN: MGA SENADOR, MAUNA SA DRUG TEST!

Janice DS Navida / SHOWBIZ SPECIAL

NANG lumabas ang artikulong isinulat namin kaha­pon kaugnay ng naging pahayag ni Senate President Tito Sotto na suportado ng Senado ang pana­wagang magkaroon ng surprise drug test sa mga celebrities dahil naniniwala siyang pinagtatakpan ng mga networks ang mga talents nilang alam nilang drug user, isang aktor-TV host ang tumawag sa amin.

Gusto lang naman daw niyang mailabas ang kan­yang punto at opinyon sa sinabi ni Tito Sen, pero ‘wag na raw namin siyang pangalanan para ‘di na lumaki pa ang issue.

Sabi ng aktor-TV host, “Ang mensahe ko lang kay Tito Sen, sana, bago nila tutukan at sabihing mag­karoon ng surprise drug test sa mga celebrities, umpi­sahan nila sa mga sarili nila.

“Umpisahan natin sa pinakamataas na huma­hawak ng posisyon sa ating bansa, ang presidente, ang bise-presidente, silang lahat na mga senador, kongresista, mayor, governor at hanggang sa pina­ka­mababang public servant, saka nila isunod ang mga celebrities.

“Magpa-drug test sila na kaharap mismo ang PDEA,” hamon pa ng aktor-TV host.

May point naman ang aktor-TV host. Ang nang­yayari raw kasi, nagagamit ng mga pulitiko sa publicity o pagpapapogi ang pakikisawsaw sa paglaban sa droga na involved ang mga celebrities, pero ang kanilang hanay mismo ay hindi naman nila malinis.

Which is true nga naman, devah? Agree kami sa mungkahi ng aktor-TV host, dahil kung ang mga bata ngang nasa elementary ay gustong isailalim sa random drug testing, bakit exempted ang mga mismong gumagawa at nagpapatupad ng batas?

Dagdag din ng aktor-TV host, hindi lang ang drugs ang malaking problema rito sa atin kundi maging ang pangungurakot ng mga nakaupo sa gobyerno at mga pulitiko.

Bakit daw hindi gumawa ng batas ang ating mga lawmakers na bitay ang maging parusa sa mga mapa­patunayan sa kasong plunder o pandarambong?

Kung ‘yun nga naman ang parusa, may mag­lalakas-loob pa bang magnakaw sa kaban ng bayan?

Or shall we say… may maglalakas pa ba ng loob na kumandidato at mag-ambisyong magsilbi sa bayan? Hahaha!