MAHIHITIK SA AKSIYON ANG NCRAA OPENING SA DASMA

MAPUPUNO ng aksi­yon ang mga nalalabing buwan ng 26th National Ca­pital Region Athletic Asso­ciation (NCRAA) sa pagbu­kas ng kanilang mga palaro sa Junior Basketball, Volley­ball para sa babae at lalake at Beach Volleyball. Unang magbubukas ang Juniors Basketball ngayong araw sa Ugnayang La Salle sa Das­mariñas City tampok ang siyam na koponan.

Hindi lumahok ngayong taon ang nagharap para sa kampeonato noong 25th NCRAA, ang AMA Uni­ver­sity at New Era Univer­sity. Dahil dito, mahirap pu­mili kung sino sa St. Francis of Assisi College, Asian Ins­titute of Maritime Studies, Emilio Aguinaldo College-Cavite, Philippine Merchant Marine School at Pasig Catholic College sa Grupo A at National College of Bu­siness and Arts, De La Salle University-Dasmariñas, Im­maculada Concepcion Col­lege at Lyceum of the Phi­lippines University-Laguna sa Grupo B ang mananaig.

Samantala, sisikapin ng NCBA na manatili sa kani­lang kamay ang kampeo­nato sa Women’s Volleyball na nakatakdang magsimula sa Abril 16. Hahamunin ang Lady Wildcats ng 11 iba pang paaralan na hinati sa dalawang grupo. Pamumu­nuan ng NCBA ang Grupo A kasama ang Philippine School of Business Admi­nis­tration-Quezon City, Oli­varez College at mga bagu­hang Centro Escolar Univer­sity, Immaculada Concep­cion College at LPU-La­guna. Ang DLSU-Dasma­ri­ñas, AIMS, PMMS, SFAC, EAC-Cavite at PCC ang ka­bilang sa Grupo B.

Nais din ng PATTS Col­lege of Aeronautics na umu­lit bilang kampeon sa kalala­kihan at inilagay sila sa Gru­po A kasama ang AIMS, PMMS, ICC at PCC. Nasa Grupo B ang NCBA, DL­SU-Dasmariñas, EAC-Cavite, CEU at LPU-Lagu­na. Ang palaro sa Beach Volleyball ay babalik muli sa Paninap Beach sa Real Quezon mula Mayo 27 hanggang 29. Ang DLSU-Dasmariñas ang kampeon noong 2018.