5-anyos minartilyo sa ulo ni uncle

KRITIKAL ang 5-taong gulang na lalaki matapos hatawin ng martilyo sa ulo ng kanyang tiyuhin na uma­no’y may history ng mental disorder sa Navotas City.

Kasalukuyang suma­sailalim sa surgical opera­tion sa Jose Reyes Memorial Medical Center ang bik­timang si Mark Lean Man­zon Moralez.

Ayon kay Navotas Po­lice Chief P/Col. Rolando Ba­lasabas, alas-6:40 ng umaga, naglalaro ang biktima ng game sa mobile phone sa loob ng kanilang bahay sa Bgy.

Tanza 2 nang lapitan ito ng kanyang tiyuhin na si ‘Joseph’, 28, construction worker at walang dahilan na hinataw nito sa ulo gamit ang martilyo dahilan upang ma­walan ng malay ang bata.

Matapos nito, tumakas ang suspek habang humingi naman ng tulong ang ina ng biktima na si Marissa Mo­nique Saldiran Moralez, 25, sa kanilang mga kapitbahay saka isinugod ang anak sa Ospital ng Malabon at kala­unan ay inilipat sa JRM­MC.

Nadakip naman ang sus­pek sa follow-up operation ng mga tauhan ng Navotas Police Community Precinct (PCP) 1 at mga barangay tanod ng Tanza 2.

Sinabi ng ina ng biktima sa pulisya na ang kanyang bayaw ay may history ng mental disorder.