“WISH KO MAMAYANI ANG PINOY CUE ARTISTS SA SEAG-”DJANGO

ISA lang ang pangarap ni coach Francisco “Django” Bustamante ang muling ma­pa­natili ang dominante ng mga Pinoy sa billiards sa darating na Southeast Asian Games at umaasa ang dating world champion na mapani­nin­­digan nila ang kanilang ka­rangalan bilang isa sa pi­na­kamagaling sa billiards sa rehiyon.

“Ang wish ko sana ma­mayani muli at bigyang ka­rangalan ang bansa,” sabi ni Bustamante sa panayam sa kanya matapos mag-en­sayo ang mga Pinoy. Dino­mina ng mga Pinoy ang bil­liards sa dalawang SEA Games sa Singapore at Ma­laysia sa kabayanihan nina Carlo Biado, Warren Kiam­co, Dennis Orcollo at Rubi­len Amit at Chezka Centeno.

Muling pangungunahan ang medal ng ‘Pinas nina Bia­do, Orcullo, Kiamco, Amit at Centeno. Dahil sa ‘Pinas gagawin ang torneo pipilitin ng mga Pinoy sa pangungu­na nina Biado at Orcullo na muling kunin ang karanga­lan at bigyang kasa­yahan ang kanilang mga ka­babayan na ma­nonood sa ka­nila sa unang pagkakataon matapos ang 13 na huling nilaro ang SEAG noong 2005.

Puspusan ang pagha­handa ng mga Pinoy sa ma­susing gabay ni dating world champion Bustamante para masiguro ang panalo lalo na sa ‘Pinas gagawin ang SEA Games. Ang pinakamagan­dang showing ng billiards ay noong 1987 SEA Games sa Indonesia kung saan naka-apat na ginto, tatlo kay Efren “Bata” Reyes, tatlong pilak at tatlong tanso.