Mga pekeng account sa social media na nagkakalat ng “fake news”, sinampolan!

MS. KORINA SANCHEZ / ISYUNG 'K'

MAHIGIT 600 bar­kong Tsina ang nakapa­libot at umiikot sa Pag-asa Island mula noong Enero ngayong taong ito.

Kinumpirma ito mismo ng Armed Forces of the Philippines (AFP). Halos hindi umano gumagalaw ang mga barko na tina­wag ng AFP na “maritime militia”.

Maya’t maya ay pinu­puntahan umano ang mga barko ng Chinese Coast Guard para dalhan ng mga supply.

Wala naman daw gi­nagawang kahina-hi­nala, pero hindi sila uma­alis at nakapaligid lang sa Pag-asa Island.

Noong nagsimula ang rehabilitasyon ng palipa­ran sa Pag-asa Island, na­itala ang pinakamaraming barkong pumaligid sa isla.

Sigurado ang maririnig lang natin ay “anong ma­gagawa natin” o wala naman silang ginaga­wang masama”? Ano kaya ang nararamdaman ng mga nakatira sa Pag-asa Is­land?

Ano ang mararamda­man natin kapag sa labas ng ating tahanan ay may­roong nakapaligid na mga sasakyan? Wala man si­lang ginagawa, pero lig­tas ba ang pakiramdam mo o hindi?

Dapat napag-usapan ito nina Pangulong Rod­rigo Duterte at Chinese President Xi Jinping nang dumalaw ang huli sa Chi­na noong Enero o baka hindi ito nabanggit dahil “kailangan nilang umu­tang” o mayroon silang hi­nihinging pabor sa Chi­na.

Sana napag-usapan ito pati na rin ang sitwas­yon ng mga mangingisda sa Panatag Shoal. Sinusu­wapang naman nila mas­yado ang yaman ng kara­gatan.

◘◘◘

Kumilos na ang Face­book noong Biyernes para tanggalin ang 67 pages, 68 accounts, 40 FB groups at 25 Instagram accounts dahil sa tinawag na “inau­thentic coordinated beha­vior” at sa paggamit ng mga pekeng account para magkalat ng maling im­pormasyon. Sa madaling salita, “fake news”.

Pinangunahan ito ng pinuno ng Facebook Cy­ber Security Policy na si Nathaniel Gleicher.

Ayon kay Gleicher, “the key here is they’re using fake accounts, pur­ports to represent a real person.”

Hindi na natin ba­bang­gitin ang mga page at account na tinanggal ng Facebook. Ang masa­sabi lang natin, mabuti at kumilos na ang Facebook para tanggalin ang mga nagkakalat ng “fake news”.

Masyado nang laga­nap ang mga nagkakalat ng mga ganitong klase ng balita at impormasyon.