Buking sa LRT | SAN BEDA STUDENT, KULONG SA DROGA

INARESTO ng mga guwardiya ng Light Rail­way Transit-2 ang 21-an­yos na graduating student ng San Beda Col­lege (SBC) makaraang mahulihan ng marijuana sa kanyang bag, kamakalawa ng gabi sa Legarda Station, Sampaloc, Manila.

Nasa kustodiya ng Ma­nila Police District-Station 4, ang suspek na si Kenny Fran­cis Pelipel, 21, estud­yante ng San Beda Univer­sity ng Cainta, Rizal.

Ayon kay Police Capt. Edwin Fuggan, alas-6:00 ng gabi nang makita sa bag ng suspek ang lalagyan ng hair wax na naglaman ng mga dahon ng umano’y mari­juana nang dumaan sa ins­peksiyon papasok sa south entrance ng LRT Legarda Station.

Hindi umano idinaan ng suspek ang kanyang bag sa x-ray machine dahilan para maghinala ang mga security guard na si Eugene Abalon ng Legarda Station ng LRT Line-2 at itinawag sina PCpl. Rowelio Antolin at PCpl. Mark Paul Galut ng UBA PCP.

Nang kapkapan ang suspek, hindi nito pinadaan sa x-ray ang laman ng kan­yang wallet at nang busisiin, dito nakita ang da­lawang glass tube na may pinatu­yong dahon.

Kasama umano ng sus­pek ang kanyang kasintahan at maraming dalang bag at ang mga bag na hindi niya idinaan sa x-ray ay tiningnan nila ang laman.

Bukod kay Pelipel, may apat na estudyante na rin ang nakumpiskahan ng mari­juana.