BOMALABS NA SA LAST 6 GAME NG LAKERS SI LEBRON JAMES

WALA nang LeBron James ang sisipot sa huling anim na laro ng koponan ngayong season sa Los An­ge­les Lakers.

Ayon kay Lakers presi­dent Magic Johnson at ge­neral manager Rob Pelinka, wala naman daw ibang da­hilan kundi ang makapagpa­galing ng kanyang injury sa singit si LeBron na nanana­kit pa rin mula nang matamo niya ito noong maglaro ng nakaraang Pasko.

Nagtapos ang Los An­geles Superstar na si James ngayong regular season na may average na 27.4 points, 8.5 rebounds at 8.3 assists sa may kabuuang 55 laro.

Hindi naman nakapasok sa postseason ang Lakers sa ikaanim namang sunod na pagkakataon kaya naman naputol din ang personal streak ni LeBron na 13 dikit na playoff appearances at walong sunod sa NBA Finals.

Sa kasalukuyan ay may­roong 34-42 win-loss card ang Lakers, na nasa ika-11 puwesto sa Western Confe­rence. Samantala, patuloy ang pagkapit ng Miami Heat sa 8th place, habang si Dwyane Wade naman ay hinarana ng fans sa Madison Square Garden.

Mistulang madrama ang farewell game ni Wade la­ban sa New York Knicks na idinaos sa Madison Square Garden.

Magreretiro si Wade sa pagtatapos ngayong season kaya hinarana siya ng fans at paulit ulit na isinisigaw ang “D-Wade! D-Wade!”

Nag-throwback speech pa si Wade sa una niyang paglalaro sa sikat na venue noong nasa college pa siya. Isang standing ovation ang ibinigay ng fans sa kanya pagpasok niya sa first quar­ter kasabay ng video tribute sa kanya.

May 16 puntos na na­gawa si Wade upang tulu­ngan ang Heat na manalo laban sa nangungulelat na Knicks, 100-92.Nanguna sa opensa ng Miami si Dion Waiters na nagsubi ng 28 puntos. (MC/ATD)