Lalo na ngayong kasasahod lang ninyo, mga besh! 5 TIPS PARA HINDI PABAGU-BAGO ANG ISIP SA PAGBILI NG

ADD to cart sabay biglang checkout, kung minsan pa, eh, mapa­pa­daan sa mall, pero pag­labas mo, may dala ka ng shopping bag na punum­puno ng mga bagay na hindi mo naman kaila­ngan. Ooops… si­nong guilty? Ha-ha-ha!

For sure, marami sa atin ang nahihirapang kon­trolin ang sarili sa pag­bili ng mga bagay kung saan ang ending ay hindi naman napakikina­bangan. Kaya mga besh, narito ang 5 tips para hindi manghinayang sa pagbili ng mga gamit:

1. EVALUATE. Oo, besh! Hindi puwedeng bili ka lang nang bili o ‘yung tinatawag na panic- buying dahil sa ganitong paraan, malaki ang tsansa na pagsisihan mo ang pagbili ng mga gamit. Bago tuluyang bumili, inirerekomenda natin ang pag-e-evaluate sa pama­magitan ng paglalaan ng dalawa hanggang tatlong linggo para pag-isipan kung dapat bilhin o hindi ang partikular na bagay. Paglipas ng nasabing pa­nahon, tanungin ang iyong sarili kung gusto mo pa ang bagay na ‘yun at kung ‘oo’ ang iyong sagot, go na, sis!

2. SET STANDARDS. Hindi porke may gusto kang bagay, magse-settle ka na ru’n. For sure, may mga bagay tayong nagu­gus­tuhan na hindi pasok sa budget natin. Baga­ma’t, hindi maitatangging maganda ang quality ng mamahaling kagamitan, may iba ring medyo waley pagdating dito. Kaya besh, kasabay ng pag-e-eva­luate mo, mabuting ikon­sidera ang paghahanap ng opsiyon na pasok sa iyong bud­get, gayundin na may magandang ka­lidad. Ti­yagaan lang sa pagha­hanap, besh!

3. MANAGE WANTS AND NEEDS. Aminin man natin o hindi, rito na­hihirapan ang karami­han dahil hirap silang alamin ang kanilang mga gusto at kailangan. Maha­lagang malaman ang mga bagay na kailangan at gusto nang sa gayun ay ma-prio­ritize mo ang mga bagay na dapat mong bilhin.

4. SET A BUDGET. Hindi porke nakapag-evaluate ka na, bibilhin mo kaagad kahit hindi ito ka­sama sa budget mo. Be­shy, hindi masamang bu­mili ng mga bagay na gusto mo, pero bago ka tu­luyang bumili, mabu­ting maglaan ka ng budget para rito. Sa ganitong paraan, hindi mo masasabi ang mga salitang “sana, ipi­nam­bili ko na lang ng iba ‘yung ipinambili ko nito”. Copy?

5. DON’T PUR­CHASE TO BRAG. May kakilala ka ba na bili nang bili para lang may maipagyabang? Hmmm… kung meron, besh, ‘wag mong gayahin ‘yun dahil kung goal mo ang magya­bang at hindi para bilhin ang bagay na talagang gus­to at kaila­ngan mo, ma­laki ang tsan­sa na pagsisi­han mo ang pagbili sa partikular na bagay.

Dehins na kayo mang­hihinayang sa pagbili ng mga gamit dahil sa tips na ito. Sana, nakatulong ang mga ito nang sa gayun ay maging disiplinado kayo kahit patuloy ninyong na­bibili ang mga bagay na gusto at kailangan ninyo. Oks ba ‘yun? He-he-he!