2019 BNTV CUP CHAMPIONSHIP NATIONAL BULLSTAG SA BIG DOME

Photo : Facebook (2019 BNTV Cup 5-Stag National Bullstag Derby)

MATAPOS ang siyam na magkakaibang elimina­tions sa iba’t ibang panig ng Luzon, ang pinakahihintay na championship ng 2019 BNTV Cup 5-Stag National Bullstag Derby ay sisiklab sa Smart Araneta Coliseum sa Martes, Abril 2 na lala­hukan ng 83 2-pointers at 30 entries na tig-isang panalo at draw.

Nakalinya sa marathon event ang mahigit 170 mat­ches na magbibigay sa der­by fans ng pinakamagaling at magandang cockfighting action kung saan ang tina­leng magkaka-edad ang magsasagupa sa larangan ng speed, power at accuracy.

May garantisadong cash prize na P1-M ang nakataya at karangalang matatawag na BNTV Cup Bullstag King.

Ang pagsusumite ng tim­bang at wingband num­bers ay nakatakda bukas (Lunes) na may weigh limits na nakatakda sa 1.800 hang­gang 2.200 kgs.

Tinatang­gap na pana­bong ay iyong may nalag­yan ng band noong isang taon sa 2018 BNTV Cup, early birds, at naging local at national banded bull­stags (MC)