Shoutout sa mga parent na ini-spoiled ang kanilang mga anak... TIPS PARA MALIMITAHAN SINA BAGETS SA

SOBRANG mo­derno na ng panahon natin ngayon kung saan la­ganap na ang tek­no­lohiya, mapa­bata o ma­tanda man ay na­huhu­ma­ling o naa­adik sa pag­gamit ng gadgets.

Sa totoo lang, karami­han sa mga bata ngayon ay mas nauuna pang makahawak ng gadget bago matutong mag­salita.

Ayon sa research ng Com­mon Sense Media noong 2013, ang mga batang may edad walo pababa ay nag­la­laan ng 15 minuto kada araw na pagtutok sa mobile screen. Nasa 42% din ng mga batang may edad walo pa­baba ang mayroong sariling electronic devices, kaloka!

Kaya naman, bago pa tayo tuluyang makain ng sis­tema ng teknolohiya, na­rito ang ilang mga paraan para matulungan nating hu­wag maadik sa gadgets ang ating mga bagets:

1. SET AN EXAM­PLE. ‘Ika nga, ang ginagawa ng matatanda ay tama sa pa­ningin ng mga bata. Bilang na­katatanda, tayo dapat ang magsilbing good example sa kanila, halimbawa, tayo mis­mo ang lulubay o maglili­­mita sa paggamit natin ng ating cellphone, tablet, lap­top at iba pang “techie thingy”. Kung hindi tayo ma­kikita ng mga bata na guma­gamit ng gadget, eh, for sure, hindi rin sila magkakaroon ng ideya na gumamit nito.

2. ENCOURAGE OUT­DOOR ACTIVI­TIES. Isa ito sa pinakaimportante at pinakaepektibong paraan para hindi dumepende sa tek­nolohiya ang mga bata. ‘Yung tipong mobile games lang ang alam nilang laruin, naku!

Makabubuti kung baba­gu­hin natin ang perspective ng mga bata tungkol sa pag­lalaro. I-encourage natin si­lang maglaro sa labas kasama ang mga kapatid, pinsan o kapitbahay para magka­roon sila ng interaction sa ibang tao. Maaari rin tayong mag-isip ng mga aktibidad na puwedeng gawin nang mag­kasama tulad ng baking, pag­lilinis ng bahay o pagpunta sa palengke o mall.

3. INDULGE IN AC­TIVITY BASED LEAR­NING. Kinakailangan na­ting ipaintindi sa mga kabata­an ang kahalagahan ng acti­vity-based learning kung saan malaki ang posibilidad na mas matuto sila kaysa ubu­sin ang oras sa kanilang “vir­tual world”. Karamihan sa mga bata, gadget ang pangu­nahing source ng entertain­ment. Marahil, sa ilan, eh, wala nang appeal ang mga nakagisnan nating laruan, kumbaga, hindi ito kasing mo­derno tulad ng “candy crush”, “4 pics in 1 word”, “Bu­­badu”, “Duck Duck Moose”, “Intellijoy” at iba pa. Bagama’t, napa-practice ang kanilang diskarte at na­tutuwa sila, hindi magandang makasanayan ng mga bata ang mobile games. Sa nga­yon, napakaraming activity-based learning ang puwedeng i-try ng mga bata tulad ng pagdo-drawing, pagba-bike, pagsasayaw, taekwondo, camping, fun run at iba pa.

4. CREATE A HEAL­THY GADGET USAGE SCHEDULE. Kung ang ating mga anak ay hindi na­man ganu’n kabata o malapit na sa teenage stage. Oks lang na gumamit sila ng mga electronics device, ngunit, mahalagang mayroon silang limitasyon. Maaari tayong gumawa ng schedule sa pag­gamit nila ng computer o bigyan natin sila ng time al­lowance. Isang paraan ito para madisplina sila at ma-balance nila ang buhay at hin­di lang puro gadget ang ka­nilang aatupagin.

5. KEEP AN EYE ON THEIR GADGET U­SAGE. Ilagay natin ang kanilang computer set o laptop sa living room imbes na sa ku­warto nang sa gayun ay mas mamo-monitor natin ang ka­nilang mga pinagkakaaba­lahan sa social media, gayun­din, ang mga laro na kanilang pinaggugugulan ng oras.

Ma­halaga rin na magka­roon tayo ng ideya sa mga ito at maki­lala natin ang ka­nilang mga nakasasalamuha sa internet, pero tandaan, hu­wag tayong masyadong OA at bigyang-respeto pa rin natin ang ka­nilang privacy, okidoki?

Marahil, malaki ang na­itutulong ng teknolohiya sa buhay ng bawat isa, lalo na at napakabilis na talaga ng panahon kung saan tunay na mapag-iiwanan ta­yo kapag babagal-bagal ang ating ki­los. Gayunman, tan­daan natin na mayroong ka­lakip na responsibilidad ang pag­gamit nito, lalo na sa mga bata. Huwag natin itong ga­miting pang-uto para tumigil sila sa pag-iyak, pagta-tan­trums at pangungulit.

Tayo ang nakatatanda, kaya tayo ang nakaaalam at mayroong kontrol sa mga ga­nitong bagay. Gabayan natin sila upang sa kanilang pag­laki ay maging mabuting mi­yembro sila ng ating society. Copy?