FIL-AM CAGERS, DODOBLEHIN ANG TIKAS SA SEAG – AQUINO

KUNG walang magi­ging balakid, magpapala­kas ng husto ang Team Philippines women’s bas­ketball sa kampanya ka­sama ang tatlong Fil-Ame­rican players na isasabak sa Southeast Asian Games sa Disyembre.

Kumpiyansa si Natio­nal coach Pat Aquino, ar­kitekto sa makasay­sayang five-peat at 80-0 winning run ng National Univer­sity Lady Bulldogs sa UAAP, na makakamit ng bansa ang matagal nang minimithing gintong me­dalya sa biennial meet na nakatakda sa Nob. 27 hanggang Dis. 11.

‘‘I don’t want to say that we’re strong. We fell victims to the breaks of the game in the last SEAG in Indonesia. We’re just going to prepare very hard and well to get back at our rivals,’’ pahayag ni Aquino sa pagbisita sa ‘Usapang Sports’ ng Tab­loid Organization in Phi­lippine Sports noong Hu­webes sa National Press Club (NPC) sa Intramuros.

Mistulang tradisyo­nal na bridesmaid ang Pinay cagers sa kabiguang nata­mo sa mga nakalipas na edisyon ng biennial meet, kabilang ang 2017 edis­yon sa kamay ng Indone­sian. Ayon kay Aquino, da­langin niya na makalaro sa PH Team sina Fil-Am Gabe Bade, Arnecia Haw­kins at Kelli Hayes. Aniya, malaking tulong ang tatlo sa koponan na pinagbi­bidahan ni two-time UA­AP MVP Jack Ani­mam. (MC)