31 artistang sugapa sa droga, ibulgar!
DAPAT PANGALANAN NA ANG MGA TAGA-SHOWBIZ NA TULAK AT SUGAPA SA DROGA — Pabor sina PDEA Director Aaron Aquino at PNP Chief Gen. Oscar Albayalde na pangalanan na ang 31 artistang nasa kanilang druglist.
Noon pa dapat naisapubliko ang mga taga-showbiz na sangkot sa iligal na droga, pero hindi ito natuloy dahil nakiusap si Robin Padilla kay P-Duterte na huwag nang pangalanan ang mga artistang tulak at adik.
Sa totoo lang, dapat na talagang hubaran ng maskara ang mga taga-showbiz na sangkot sa illegal drugs para malaman ng publiko na ang kanilang mga iniidolo ang tulak at sugapa sa iligal na droga, boom!
◘◘◘
HARASSMENT NG GOBYERNO KAY MARIA RESSA — Noong nakaraang buwan ay inaresto si Rappler CEO Maria Ressa sa kasong cybercrime libel at nakalaya siya nang makapagpiyansa, pero kahapon, muli itong inaresto sa kaso naman na mayroong kinalaman sa Anti-Dummy Law.
Ang Rappler ay isa sa mga news organization na nagbabalita sa katiwalian, human rights violation maling polisiya ng Duterte gov’t. kaya ang sunud-sunod na pag-aresto kay Ressa ay malinaw na harassment, period!
◘◘◘
NANG MASABIT SA ILIGAL NA DROGA SI YANG, HUGAS-KAMAY ANG MALACAÑANG, NANG SABIHING HINDI NA RAW ITO ECONOMIC ADVISER NI P-DUTERTE — Nang ibalita noon ng Rappler ang economic adviser ni P-Duterte na si Michael Yang ay itinanggi ito ng pangulo, pero nang kumalat sa social media ang appoinment papers nito ( Yang) ay inamin din ng Malacañang na adviser nga ito ni P-Duterte.
Ito na ang siste, nang ibulgar ni drug enforcer ex-police Col. Eduardo Acierto na drug lord si Yang, hugas-kamay agad ang Malacañang nang sabihing hindi na raw ito economic adviser ni P-Duterte, boom!
◘◘◘
PILIPINAS, SAGANA NA SA SHABU, SAGANA PA SA COCAINE — Bukod sa tone-toneladang shabu na naipupuslit sa Adwana, sangkaterbang pake-paketeng cocaine na rin ang “nalalambat” sa dagat.
‘Yan ang Pilipinas sa ilalim ng Duterte gov’t., sagana na sa shabu, sagana pa sa cocaine, buwisit!
Comments