WOMEN IN SPORTS, CABALLERO, MILBY AT TAN SA 16TH TOPS

MUNDO ng mga kaba­baihan sa Tabloid Organi­zation in Philippine Sports (TOPS) kung saan tatlong babae sa local sports ang tampok sa 16th “Usapang Sports” sa National Press Club sa Intramuros ngayong Huwebes, Marso 28.

Tatalakayin nina Philip­pine Olympic Committee (POC) deputy general-sec­retary Karen Tanchanco-Caballero, World Rugby Council member Ada Milby at Beach Volleyball Repub­lic founder Bea Tan ang iba’t ibang isyu sa sports na ka­nilang kinabibilangan parti­kular na ang pag-host ng bansa sa 30th Southeast Asian Games sa Nob. 30 - Dis. 12.

Bisita rin sa two-part forum ay si Philippine na­tional women’s basketball team coach Pat Aquino. Mag­bibigay update si Ca­bal­lero sa kaganapan sa Philip­pine Olympic Com­mittee (POC) General As­sembly ng nakaraang ling­go, maging sa plano ng Phi­lippine Sepak Tak­raw As­sociation na pina­mu­muan niya.

Ibabahagi naman ni Mil­by, team captain ng Philip­pine rugby team na naka­sungkit ng bronze medal noong 2015 SEA Games, ang update ng sport sa ban­sa.

Si Tan, isa sa co-foun­ders ng BVR On Tour ay tatalakay sa pinakahuling torneo kung saan niya naka-team up si Dij Rodriguez sa panalo mula sa Santa Fe Open sa Bantayan Island, Cebu, ka­makailan.

Isang minutong dasal ang iaalay ng TOPS para sa ama ni Karen at dating PASTA head Mario Tan­chan­co na yumao nang na­karaang linggo. (MC)