Kung maaaring makuha nang buo ang binayarang premium sa health insurance na gustong ipakansela
Dear Chief Acosta,
Isang taon ang coverage ng health insurance ko subalit, matapos ang tatlong buwan ay nais ko na itong isauli o ipakansela. Kung ipagpapatuloy ko ang pagsasauli ng nasabing policy, makukuha ko pa ba nang buo ang ibinayad kong premium sa kanila? — Bena Faye
Dear Bena Faye,
Para sa inyong kaalaman, ang batas na nakasasaklaw sa inyong katanungan ay ang Section 80 ng Republic Act (R.A.) No. 10607 kung saan nakasaad na:
“SEC. 80. A person insured is entitled to a return of premium, as follows:
(b) Where the insurance is made for a definite period of time and the insured surrenders his policy, to such portion of the premium as corresponds with the unexpired time, at a pro rata rate, unless a short period rate has been agreed upon and appears on the face of the policy, after deducting from the whole premium any claim for loss or damage under the policy which has previously accrued: Provided, That no holder of a life insurance policy may avail himself of the privileges of this paragraph without sufficient cause as otherwise provided by law.” (Binigyang diin)
Samakatwid, kung wala kayong ibang kasunduan para rito, maaaring maibalik sa inyo ang premium na inyong ibinayad ngunit, hindi ang kabuuan nito at sa halagang katumbas lamang sa unexpired time ng inyong kontrata.
Nawa ay nasagot namin ang inyong katanungan. Nais naming ipaalala sa inyo na ang opinyong ito ay nakabase sa inyong mga naisalaysay sa inyong liham at sa pagkakaintindi namin dito. Maaaring maiba ang opinyon kung mayroong karagdagang impormasyong ibibigay. Mas mainam kung personal kayong sasangguni sa isang abogado.
Maraming salamat sa inyong patuloy na pagtitiwala.
Comments