BATAAN AT SAN JUAN NAKAUNA SA FINAL 4 SEMIFINAL SERIES

BATAAN — Nakasung­kit ng kani-kanyang pana­lo ang host team Bataan at San Juan sa unang salang ng Final 4 series kontra sa kani-kanilang karibal noong Martes ng gabi sa People’s Center sa Balanga.

Nakaungos ang Risers sa fourth quarter rally ng Manila Stars bago nakuha ang 73-72 win at isang panalo na lang ang kailangan para makatun­tong sa championship berth ng northern division.

Sa unang laro, bumida si Mac Cardona sa 14 ng kabuuang 25 points sa 4th quarter upang palakasin ang San Juan sa 94-86 win kontra Quezon City. “I’ll take any win, even if it’s ugly,” ayon kay Bataan coach Jojo Lastimosa, na nagrerelkamo ng ilang sablay sa officiating, kabi­lang na ang basket interference na tawag kay Aris Dionisio na nirebisa at ni-reversed sa jump ball situation, kuma­wala sa Risers ang 2 puntos at ibigay ang bola sa Stars dahil sa possession arrow.

Nakahinga nang maluwag si coach Lastimosa nang magwagi laban sa unang team na nanaig sa kanila noong 2018. Matagal din nilang hinintay ang tsansa na makabalik sa semis series at hindi na sila nagsayang ng panahon.

Nagpa-ampat sa pag­du­rugo ng Risers si Gab Dagangon at binig­yan ang squad ng 71-67 na kala­mangan, sa nalala­bing 41 segundo. Nakaku­ha ng 2 free throw si Yvan Ludo­vice. Pero ang tres ni Dionisio ang nagpadikit sa Manila sa 2 puntos, 72-70, may 2 cha­rities ang pina­kawalan ni Pamboy Ray­mundo bago isinara ni Dionisio ang iskor sa final tally. (MC)