Oks lang ‘yan — Palasyo | ‘PINAS, BAYAD-UTANG SA CHINA

WALANG nakikitang problema ang Malacañang na gawing kolateral ang pag-aari ng estado sa pag-utang sa China.

Sinabi ni Presidential Spokesman Salvador Panelo na pangkaraniwan lang na magkaroon ng probisyon sa P3.6 billion loan agreement sa China na maaari nitong kunin ang pag-aari ng gob­yerno sa sandaling mabigo ang bansa na magbayad.

Gayunman, tiwala si Pa­nelo na mababayaran ng Pi­lipinas ang naturang utang.

“What I’m saying is the onerous conditions that some are saying incorpora­ted in the contract is standard between lender and borro­wer to be sure that the lender will be getting what they have lent to the borrower,” sabi ni Panelo sa press briefing sa Palasyo.

“Hindi ba, ‘pag nag-uutang tayo, meron ba ta­yong say? When we [take out a] loan from the bank, it’s always the terms of the bank. Natural lang iyon na they will make sure na hindi sila ma­lulugi sa kanilang ipina­utang sa atin,” paliwa­nag ni Pa­nelo.

Matatandaang, nagbanta si Supreme Court Senior As­sociate Justice Antonio Car­pio na posibleng kunin ng China ang mga ari-arian ng bansa at gobyerno kapag na­bigo ang Pilipinas na mag­bayad ng utang.

Kasama sa pinasok na kasunduan ng Pilipinas sa pag-utang sa China ang ti­natawag na ‘patrimonial as­sets and assets dedicated to commercial use’, na kina­bibilangan ng rich gas field sa Reed Bank, na pasok sa Exclusive Economic Zone ng Pilipinas sa South China Sea.