NAZARETH-NU, CHAMP SA NBTC; SEAG MAY BAGONG AYUDANTE

PINAGTIBAY ng Na­za­reth School of National University ang kanilang estado bilang pinakama­hu­say na high school team sa bansa matapos nilang talu­nin ang La Salle Green Hills, 95-83, sa ikalawang sunod na taon sa Finals ng Chooks-to-Go NBTC Lea­gue Natio­nal Finals sa SM Mall of Asia Arena noong weekend.

Nanguna para sa Bull­pups ang UAAP champion­ship-winning core na sina Carl Tamayo, Terrence For­tea, at Gerry Abadiano sa pag-angkin ng basketball na­tional championship para sa high school. “Everything na naa-achieve namin, sob­rang saya kami,” wika ni NU coach Goldwin Mon­te­verde. “Every tournament naman, we really prepare kaya masaya kami for this.”

Binigyan din ng papuri ni Monteverde ang “total team effort” ng ipinakita ng Bullpups na may limang manlalarong tumapos na may double-digits sa pamu­muno ni Tamayo na nag­poste ng 24-puntos at 18-re­bounds para tanghaling Finals MVP.

Hindi natinag ang Bull­pups sa ejection ng team captain na si Abadiano sa laro upang muling mama­yani kontra LSGH na tinalo nila noong nakaraang taong finals, 80-78.

Samantala, pagsuporta ng buong puso para sa mga atletang sasabak sa biennial games ang ipinaramdam ng isang inuming magsisilbing ika-12 sponsor para sa isa­sagawa sa bansa na 30th SEA Games.

Lumagda kahapon na ginanap sa Kalayaan Hall, SM Aura sa BGC, Taguig ma­tapos makipagkasun­duan ang Philippine South East Asian Games Organi­zing Committee (PHISGOC) bilang kapareha ang rehy­dra­tion specialist Pocari Sweat at maging eksklusi­bong rehydration isotonic drink ng SEAG.

Buong pusong tinang­gap ni PHISGOC Chairper­son Alan Peter Cayetano ang malaking tulong mula sa energy drink na kinatawan ni Yoshihiro Bando, presi­dente ng PT Amerta Indah Otsuka at Kohei Otsuka, pre­sidente ng Otsuka Solar Philippines Inc.

“The continuous out­pou­ring of support from different multinational com­panies boosts our confi­dence that we can overcome all the challenges to deliver the best SEA games ever,” hayag ni Cayetano makara­ang tanggapin ang tulong sa sponsor.