Worried dahil pabalik-balik ang pigsa kahit umiinom ng antibiotic
Dear Doc. Shane,
Nang makapagtrabaho ako bilang cashier sa mall, napansin kong madalas akong tubuan ng pigsa. Nawawala rin ito ngunit, pagkalipas nang isa hanggang dalawang linggo ay bumabalik din agad. Nagtataka ako kung bakit nagpapabalik-balik ang aking pigsa kahit iniinuman ko naman ito ng antibiotic. Normal lang ba ito dahil may katabaan ako? — Maureen
Sagot
Ang pabalik-balik na pigsa ay maaaring senyales ng mahinang immune system.
Narito ang ilang paraan para mapalakas ang immune system:
Pagkain ng masusustansiyang pagkain
Pag-iwas sa stress
Pagtulog nang tama sa oras
Pag-iwas sa mga bisyo tulad ng pag-inom at paninigarilyo.
Gayundin, maaaring maging dahilan ng pabalik-balik na pigsa ang hindi wastong pag-inom ng antibiotic o kaya ay iba pang problema sa kalusugan na nagpapabagal sa kakayahan ng katawan na lumaban sa mga impeksiyong tulad ng pigsa. Magpatingin agad sa doktor upang masuri kung ano ang posibleng dahilan ng pabalik-balik na pigsa.
Comments