Siklista binaril sa dibdib, utas

PATAY ang isang siklista matapos barilin sa dibdib ng isang hindi pa nakilalang suspek habang sakay ng kan­yang bisikleta sa Taytay, Rizal kamakalawa ng hapon.

Ayon sa Taytay Police Station, bandang alas-5:00 ng hapon nang isagawa ang pagpatay sa biktimang si Ra­him Enabitan, nasa hustong gulang.

Sakay umano ng kan­yang mountain bike ang biktima nang bigla na lang barilin ng hindi kilalang sus­pek sa Bgy. Sta. Ana, Taytay.

Tinamaan sa dibdib ang biktima na naging dahilan ng agaran nitong ka­matayan.

Nakatakas naman ang suspek na pinaghahanap na ngayon ng mga awtoridad.