Pinagalitan ng tatay sa nawalang P500 | GRADE 6 NAGBIGTI, PATAY

ISANG Grade 6 ang nagbigti matapos umanong mapagalitan ng kanyang ama sa lalawigan ng Rizal, Linggo ng umaga.

Kinilala ng mga tauhan ng Rodriguez Police Station ang biktima sa alyas Nat, 13-anyos.

Sa ulat ng pulisya, alas-8:30 ng umaga kahapon nang matagpuan ng kanyang ka­ibigan ang bangkay ng bik­tima na nakabigti sa likurang bahagi ng isang abando­na­dong bahay.

Sinasabing pagtatampo sa kanyang ama ang posib­leng dahilan ng pagpapati­wakal ng biktima matapos matukoy ng mga awto­ridad na bago ang suicide ay na­pagalitan si ‘Nat’ ng kan­yang ama nitong Sabado at nasisi dahil sa nawalang P500.

Dahil sa sama ng loob ay umalis umano ang biktima at hindi na umuwi.

Laking panlulumo na­man ng pamilya nang kina­bukasan ay matagpuan na itong nakabigti at wala ng buhay.