PATAYAN PARA SA FINAL ANG PAKAY NG BATANGAS AT IMUS

APAT na teams, dalawa ang kailangang makaalag­wa. Mamayang gabi, magho-host ang Batangas City ng dalawang knockout mat­ches na itatampok ang pambato nilang Tanduay-backed Ath­letics na haharapin ang Imus Bandera-GLC Truck and Equipment habang ang Zamboanga-Family’s Brand Sardines ay kontra sa Mun­tinlupa Cagers-Angelis Re­sort.

Asahang daragundong ang ingay sa Batangas City Coliseum para sa Athletics, ang inaugural staging cham­pions na pakay ang back-to-back titles. Pero magkaka­alaman sa 9 p.m. nilang laban kontra Bandera na pareho ring de­terminadong manalo tulad nila.

Sa magkahiwalay nilang laban, nagawang pahirapan ng Imus ang Batangas City kasunod ng 75-69 win noong Huwebes, at tiniyak ng Ban­dera na maka-upset laban sa second-ranked team sa playoffs.

“Gusto ko yung tsansa namin. Kasi nga napatuna­yan namin na kaya naming manalo and even nu’ng natalo kami sa Batangas, we’ve proven that we can compete with them,” ayon kay Imus coach Noy Falca­santos.

Idinagdag ni Falcasantos na dahil ito ay do-or-die game, lahat nakahanda para sa final. “Except the home court advantage,” dagdag ni Falcasantos. “It’s something we have to live with. If we want to win, winning in Ba­tangas would be sweeter.”

Ang serye sa pagitan ng Zamboanga at Muntinlupa ay nakatakda na para sa rubber match, ito ay matapos na ang team ng Sardines ay nakaisa sa Cagers sa harap ng nagkakaingay na crowd noong Huwebes.

Ang dala­wang team ay maghaharap ng 7 p.m. Ngayong nasa neutral ground, mas matatag ang Zamboanga sa tsansa nila habang sina Harold Arbo­leda, Reed Juntilla, Robin Roño at kanilang supporting cast ay determinadong pata­galin pa ang season at ma­kabalik sa kanilang balwarte para sa semifinal round. (MC)