DASMARIÑAS, BIG TIME FIGHTER WAGI SA IBF ELIMINATOR BOUT

YAKANG-YAKA na umano ng Pinoy boxers na magkaroon ng oportunidad na mapasabak sa mas mala­laking laban sa ibang bansa. Iyan ang paniniwala ni 8th Division World Cham­pion Manny Pacquiao makara­ang magwagi ang isa pang Pinoy sa isang bakbakan kamaka­ilan.

Ginitla ni Camarines Sur-native Michael “Gloves on Fire” Dasmariñas si Kenny “Big Heart” Demecillo sa bisa ng unanimous decision sa kanilang IBF eliminator fight na idinaos sa Resorts World noong Sabado ng gabi sa harap ng mga manonood ka­bilang na sa audience si Se­nator Manny Pacquiao.

Nagbigay ang judges ng score cards na 116-112, 115-113, 117-111 pabor kay Das­mariñas na kailangang bakantehin ang kanyang IBO world bantamweight title, upang makasabak sa laban.

Ayon kay Dasmariñas, “All out po ako sa laban na ito, wala akong naging doubt sa training ko, mentally and physically, naging prepa­rado ako para sa laban na ito. Sob­rang saya ko po na na­nalo ako.”

Ang boxing match ay unang co-promoted venture sa pagitan ng Singapore-based Ringstar Asia na pi­namumunuan ni Scott Farrell at MP Promotions ni Pac­man.

Ang huling tatlong laban ni Dasmariñas kabilang ang kanyang IBO world title win ay noong 2018 na idinaos la­hat sa Singapore.

Ang fight card ay may 10 bouts kabilang na si Sin­gaporean boxer Muhamad “The Chosen Wan” Ridh­wan na natalo sa split deci­sion kay Pinoy boxer Cris Leon.

Nang tanungin si Pac­quiao hinggil sa event at sa unang co-promotion, aniya, “They were exciting fights, everybody’s happy, it was a very successful promotion. This is also a good opportu­nity for Filipino boxers to have a chance to fight out­side the country, specially in the Uni­ted States''