CHELU, MASASALUHAN KAYA ANG ATENEO SA LIDERATO NG D-LEAGUE?

MAKASALO sa ika­lawang puwesto ng Aspi­rants Group ng Cignal-Ate­neo ang tatangkain ng Chelu Bar and Grill sa hapong ito sa pagpapatuloy ng 2019 PBA D-League na lilipat ang aksiyon sa Quezon City sa pagdaraos ng double header sa JCSGO Gym sa Cubao.

Nakatakdang makasa­gupa ng Revellers sa huling laro ganap na ika-4:00 ng hapon ang baguhang McDa­vid kasunod ng unang sal­pukan ng mga Foundation Group teams The Master­piece Clothing-Trinity Uni­versity of Asia ganap na alas-2:00 ng hapon.

Hawak ng Revellers ang markang 2-1, panalo-talo ka­salo ang Petron-Letran sa ikatlong puwesto at may isang panalo ang layo sa pu­mapangalawang Cignal-Ateneo.

Galing ang Chelu sa 89-63 panalo kontra Batan­gas-EAC noong Marso 12 sa pamumuno nina Sean Ma­nganti at Jesse Collado.

Sa kabilang dako, mag­susumikap na masungkit ng McDavid ang mailap na unang panalo para maka­ahon mula sa kinalalagyang buntot ng standings kasalo ng Family Mart-Enderun College sa markang 0-3.

Samantala sa unang la­ban, pupuntiryahin ng Mari­nerong Pilipino ang solong ika-4 na puwesto ng Foun­dation Group sa pagtutuos nila ng winless pa ring The Masterpiece Clothing-Tri­nity.

Taglay ng Skippers ang patas na barahang 2-2, ka­salo ng Diliman College-Gerry’s Grill kasunod ng Wangs Basketball (2-1), Metropac-San Beda (3-1), Valencia City-San Sebas­tian (3-1) at ng ‘di pa natata­long CEU (4-0).

Ang Stallions ay ‘di pa rin nakakatikim ng panalo matapos ang tatlong laro kung kaya nasa ilalim ito ng Foundation Group kasama ng SMDC-NU (0-4). (VA)