Lalo na kung medyo matatagalan kayo sa pupuntahan ninyo, lodi! TIPS PARA SA MAAYOS NA PAG-IIMPAKE, A
No Problem
USUNG-USO ang mga weekend getaway ngayong summer, kaya naman may mga beshy tayo riyan na nagbabalak nang gumala ngayong weekend. Uy, excited! Oh, teka, alam naming excited na kayo, pero, narito ang ilang tips sa pag-iimpake para sa inyong weekend getaway:
1. CHECK THE WEATHER. Bago tuluyang mag-impake, mga besh, make sure na natsek ninyo ang klima sa lugar na pupuntahan ninyo. Sa ganitong paraan, siguradong mawawala ang “what if’s” ninyo tulad ng “what if umulan?”, “what if mainit” o kung anu-ano pa. Dahil dito, siguradong malalaman ninyo ang mga bagay na dapat at hindi ninyo dapat dalhin.
2. KEEP CALM AND CARRY-ON. Kalma lang sa pag-iimpake, besh! Ilang araw ka lang magbabakasyon, hindi buong buwan. Ha-ha-ha! Sa step na ito, kailangan mong pag-isipang mabuti ang mga bagay na dadalhin mo upang maiwasan ang pag-o-overpack. ‘Ika nga nila, travel light para less hassle!
3. USE PACKING ORGANIZERS. Yes, besh! Maraming nabibili nito sa mga online shop at department store. Sa ganitong paraan, hindi ka mamumroblema kung saan mo dapat ilagay ang iyong damit, toiletries at electronics. Inirerekomenda rin natin ang pagdadala ng extra ecobag o dust bag para sa mga maruruming damit.
4. STICK TO THE BASICS. Dahil mabilisang bakasyon lang ito, lodi, make sure na ang mga dadalhin mo ay ang mga bagay na siguradong kakailanganin mo. Huwag ka nang magdala ng make-up kung dehins naman ito kailangan. ‘Ika nga nila, gandang natural lang, sapat na. Ganern!
5. DITCH UNNECESARRY GADGETS. For sure, hindi mo kakailanganin ang iyong laptop, extra phone o camera. Ang hindi pagdadala ng mga gadget na hindi mo gagamitin ay nakatutulong para hindi maging mabigat ang iyong bagahe. Make sure lang na dala mo ang iyong cellphone, charger at powerbank. Copy?
Easy lang, ‘di ba? Kaya mga bro at sis, bago kayo tuluyang mag-impake, make sure na nabasa ninyo ang tips na ito, ha? Have a happy and meaningful getaway, mga beshy! Gets mo?
Comments