Ahensiya na iresponsable sa pakalat-kalat na mga plastic barrier sa kalsada, lagot!

RYAN B. SISON / BOSES

HULI sa dash cam ang pagkakasemp­lang ng motorista matapos niyang ma­daanan ang mga nakatambak na plastic barriers sa White Plains Avenue kung saan timing na nalaglag ang isa sa mga ito pagdaan niya ay huli na niyang nai­wasan kaya siya ay biglang sumemplang.

Ayon sa sources, may dala umanong computer, printer at ink ang rider na ti­yak na babayaran niya kung sakaling magkakaroon ito ng damage.

Kaya naman palaisipan ngayon, kung sino ang responsable sa pagtatabi ng mga plastic barrier na nakatambak sa kal­sada?

Kung gagamitin naman ito, bakit hin­di nilagyan ng tubig nang sa gayun ay hindi makaabala at matangay ng mga motorista?

Ang mahirap kasi ngayon, kapag nag­reklamo tayo sa kakulangan ng ahen­siya, tiyak na aabutin pa ito ng napa­ka­tagal at ‘yung iba pa ay magtuturuan, pero kapag may violation ang motorista, mabilis nilang naaaksiyunan.

‘Yun lang!

Gayunman, lumabas na sana ang mga taong dapat managot sa pagkakadis­grasya ng kaawa-awang rider na imbes kumita ng pera ay magbabayad pa dahil lang sa aksidente na hindi naman siya ang may kakulangan at kasalanan.

Kaya ang panawagan natin sa mga kinauukulan, gawin ninyo nang maayos ang inyong trabaho nang sa gayun ay hindi kayo nakapeperhuwisyo!

Kawawa naman ang mga pangkara­niwang Pilipino na kumakayod sa pag­tatrabaho tapos magiging biktima lang ng mga iresponsableng empleyado na mas malaki pa ang kinikita sa ating bansa.

Para sa inyong opinyon, sumbong, hinaing o nais hinging tulong ito ang pagkakataong marinig ang inyong boses, sumulat lamang sa BOSES ni RYAN SISON at ipadala sa Bulgar Bldg. 538 Quezon Avenue, Quezon City o mag-email sa boses.bulgar@gmail.com.