Tulak nakipagbarilan sa pulis, utas

DEAD-ON-ARRIVAL sa pagamutan ang umano'y tulak ng droga matapos makipagbarilan sa pulisya sa Purok 3, PNR Site, Bgy. Parian, Calamba City, Laguna.

Base sa ulat, dakong alas-11:40 ng umaga nang salakayin ng pulisya ang tahanan ng suspek na si Ronnie Caagbay, dahil sa inihaing kaso na may kaugnayan sa iligal na droga.

Papasok pa lamang ang mga ito nang agad bumunot ng baril at nagpaputok ang suspek.

Doon na nagkaroon ng palitan ng putok ang dalawang panig hanggang sa tuluyang mapatay si Caagbay.

Nadala pa ito sa pagamutan ngunit, binawian din ng buhay.