PINOY MUAY THAI VISPERAS, SILVER SA 16TH WORLD C’SHIPS

KUMALAWIT ang pam­b­ato ng Pilipinas na si Arjay Visperas ng silver me­dal sa 48kgs (youth) sa kata­tapos na World Muay Thai Federation (WMF) 16th World Muay Thai Championships na ginanap sa The Bazaar Hotel, Bangkok, Thailand noong Marso 12 – 20.

Ang torneo ay inorganisa ng World Muay Thai Federation sa pamumuno ni Lt. Gen. Akachai Chantosa na may basbas ng Olympic Committee of Thailand at Sports Authority ng Thailand.

Sa kanilang semifinal match ay tinalo ni Arjay Vis­peras si Anyar Sadique ng India sa pamamagitan ng puntos subalit bigo siyang talunin si Lazurovo Amir­khon ng Uzbekistan nang magupo siya sa puntos ma­tapos ang 3 rounds ng kani­lang final match.

Ang torneo ay nilahukan ng 38 bansa na dapat sana ay 43 ang kasali pero atras ang iba. Si Arjay Visperas ay 16-anyos at Grade 10 ng Aurora National High School ng Aurora Province.

Ang delegasyon ay pina­ngunahan ni Rolando Catoy bilang head, team manager naman si Wilson Oropilla, tuma­yong coach si Allan Visperas, ama ni Arjay Vis­peras. Ang grupo ay binuo at tinustusan ni Muay Thai aficionado Atty. Christian Noveras ng Aurora Province. (MC)